Алаяқтар марқұм Шерзат Болаттың отбасы атынан да ақша жинаған
видеодан скриншот 
Бұған менің еш қатысым жоқ. Бұл туралы түсініктеме де бердім, - дейді әкесі
Белгісіз біреулер жұрттан Талғарда қаза тапқан Шерзат Болаттың отбасы атынан ақша жинаған.
Airan YouTube арнасына берген сұхбатында Шерзаттың әкесі Қаржаубай Нұрымов оның бәрі алаяқтардың әрекеті екенін алға тартып, оған өздерінің еш қатысы жоқтығын мәлімдеді.
Адамдар арасында біздің ақша жинап жатқанымыз туралы сыбыс тарады. Осы мәселе бойынша мені қауіпсіздік қызметі шақыртты. Сөйтсек, біреулер менің атымнан шынымен де ақша жинаған екен. Бұған менің еш қатысым жоқ. Бұл туралы түсініктеме де бердім, - дейді Қаржаубай Нұрымов.
Айтуынша, қазір ол ақысыз еңбек демалысында жүр. Дегенмен шағын шаруашылығын қолға алған.
Ақысыз еңбек демалысындамын. Ал дүкен жұмыс істеп тұрған жоқ. Өзіміздің шағын шаруашылығымыз бар. Осыдан бірер күн бұрын ет дүкенін ашып, біртіндеп жұмысқа кірісіп жатырмыз, - деді марқұм Шерзаттың әкесі.
