Доллардың қымбаттауы азық-түлік бағасына әсер етпейді - Сүлейменов
bai-bol.kz 
Нарықты реттемейміз, - деп отыр Ұлттық банк төрағасы
Доллардың қымбаттауы азық-түлік бағасына қалай әсер ететінін Ұлттық банк төрағасы Тимур Сүлейменов түсіндіріп берді.
Журналистерге берген жауабында ол доллар бағамының өсуі азық-түлік өнімдерінің бағасына әсер етпейді деп сендірді.
Еліміздің азық-түлік қауіпсіздігін қамтамасыз ету деңгейі жоғары. Соңғы жылдары Ауыл шаруашылығы министрлігі мен фермерлер біріге отырып, ішкі ұсынысты арттырды. Сол себепті азық-түлік бағасы айтарлықтай өзгереді деп ойламаймын, - деп нақтылады сөзін Ұлттық банк төрағасы.
Сондай-ақ ол нарықта «ойыншы» ретінде әрекет етіп, Ұлттық қордан трансферттер сататындарын алға тартты.
Нарықты реттемейміз. Тек оны интервенциялар арқылы «тыныштандыруға» тырысамыз, - деді Тимур Сүлейменов.
