Қайрат Сатыбалды мемлекетке жалпы 29 автокөлігін берді
ашық дереккөз 
Олардың ішінде Bentley, Lexus, Mercedes маркалы көліктер бар
Мемлекет сотталған кәсіпкер Қайрат Сатыбалдының екі қымбат автокөлігін сатты, деп хабарлады Orda.kz.
Редакцияның сұрауына жауап ретінде сыбайлас жемқорлыққа қарсы қызмет Қайрат Сатыбалды қайтарған активтер тізімін және оларды не істейтіні туралы ақпарат ұсынған.
Кәсіпкер мемлекетке барлығы 29 автокөлігін берді, олардың ішінде Bentley, Lexus, Mercedes маркалы көліктер бар.
Басқарушы компания активтерді қабылдау, есепке алу, басқару және өткізу барысында олардың иелерін сәйкестендіруге мүмкіндік беретін мәліметтердің сақталуын қамтамасыз етуге міндетті. Бұл активтерді Қайрат Сатыбалдының тікелей мүлкі деп айтуға болмайды. Қазір компания Дубайда құны 235 мың дирхам (31,4 млн теңге) болатын Aston Martin Vantage автокөлігін және құны 1 250 000 дирхам (167,5 млн теңге) болатын Rolls-Royce Cullinan автокөлігін сатты, - деп нақтылады компания.
Еске сала кетсек, Қайрат Сатыбалдыға қатысты қылмыстық істер бойынша сотқа дейінгі тергеп-тексеру кезінде қайтарылған активтердің жалпы сомасы 732,8 млрд теңге болды.
