58 жастағы Тайсон блогермен жекпе-жектен жақсы табыс тапты
secondsout.com 
Ол 2005 жылдан бері алғаш рет кәсіпқой бокста жекпе-жек өткізіп, жеңіліске ұшырады
Аты аңызға айналған боксшы Майк Тайсонның блогер Джейк Полға қарсы жекпе-жектен қанша табыс тапқаны белгілі болды.
The Mirror US басылымының мәліметінше, Майк Тайсон бұл жекпе-жектен 20 миллион АҚШ долларын (9 миллиард 972 миллион теңге) иеленген. Ал оның қарсыласы Джейк Пол 2 есе – 40 миллион АҚШ долларын (19 миллиард 944 миллион теңге) қанжығасына байлаған. Сондай-ақ Netflix платформасының тікелей көрсетілімі арқылы түскен бонустардан да Майк Тайсон мен Джейк Пол қосымша қаражат еншілейді.
Еске сала кетсек, Майк Тайсон Арлингтонда (АҚШ) өткен бокс кешінде отандасы, блогер әрі кәсіпқой былғары қолғап шебері Джейк Полмен жұдырықтасты. Сегіз раундқа созылған кездесуде Пол төрешілердің шешімімен (80-72, 79-73, 79-73) жеңіске жетті. Сондай-ақ Майк Тайсон 2005 жылдан бері алғаш рет кәсіпқой бокста жекпе-жек өткізіп, жеңіліске ұшырады.
