Тейлор Свифт – тек өнермен таза табысқа жеткен тарихтағы жалғыз музыкант
yahoo.com 
Ол дәулеті 1,4 млрд долларға бағаланған әнші Рианнаны басып озды
Әлемге әйгілі әнші Тейлор Свифт ресми түрде әлемдегі ең бай әйел музыкант атанды. Оның дәулеті 1,6 млрд долларды (шамамен 1,45 млрд еуро) қамтыды. Ол Forbes журналының жыл сайынғы миллиардерлер рейтингіне алғаш рет еніп отыр, деп хабарлады Euronews.
Тейлор Свифт дәулеті 1,4 млрд долларға бағаланған әнші Рианнаны басып озды және қазір байлығы 2,5 млрд долларға (шамамен 2,2 млрд еуро) бағаланған Jay-Z-ден кейін ең бай музыканттардың жалпы тізімінде 2-орында тұр. Енді алдағы уақытта Свифттің барлық уақыттағы ең бай әйел музыкант атағына ие болуы әбден мүмкін.
Forbes бұл жаңалықты Свифттің Эрас турындағы тарихи табысынан кейінгі қаржылық жағдайын талдау арқылы растады. Журнал жүргізген есепке сәйкес, оның байлығының 600 млн долларын гастрольдік табыс пен гонорар, тағы 600 млн долларын музыкалық каталогының құны және 125 млн долларын жылжымайтын мүлікке салынған инвестиция қамтиды.
Свифт көбіне 2022 жылы шыққан Midnights альбомы мен 2023 жылы «1989» - «1989 (Taylor’s Version)» қайта жазылған альбомының арқасында былтыр тек Spotify ағынды роялтиінен 100 млн доллар табыс тапты деп хабарланды.
Свифті көптеген музыканттан ерекшелендіретіні – оның байлығы алдымен музыкалық мансабына байланысты. Ол – кәсіпкерлік қызмет арқылы емес, алдымен альбом сату және жанды орындаулар арқылы 10 сандық таза табысқа қол жеткізген тарихтағы жалғыз музыкант.
Тейлор Свифт алғаш рет 2023 жылдың қазан айында миллиардер атанды. Eras Tour турының еуропалық кезеңін биыл тамыз айында аяқтады. Ал әлемдік турнесін жыл соңында аяқтамақ. Соңғы кезең АҚШ-та 18 қазанда басталып, Eras Tour желтоқсанның басында Канадада аяқталады.
Жалпы, Тейлор Свифттің гастрольдік сапары Ұлыбритания экономикасына 1 млрд фунт стерлинг пайда әкелген.
