Биыл әуе билеті қымбаттай ма? - вице-министр жауап берді
opennews.kz 
Қазақстандықтарға билетті ертерек сатып алуға кеңес берілді
Көлік вице-министрі Талғат Ластаев әуе билеті қандай себептерге байланысты қымбаттайтынын айтты.
Жалпы тариф өзгермеді. Ол әртүрлі элементтен тұрады. Ең бастысы – жанармай. Бүгінде қазақстандық зауыттар өндіретін жанармай (авиакеросин) жетпей жатыр. Сондықтан импорт жағынан бағаның өсу-өспеуі маусымға байланысты. Ол бағаға әсерін тигізеді. Тарифтің өзі өспейді, оған күнделікті факторлар әсер етеді, – деді вице-министр.
Сол себепті ол қазақстандықтарға әуе билетін ертерек сатып алуға кеңес берді.
Билеттерді алдын ала алған дұрыс. Біздің мәліметімізше, бүгінде жолаушылардың 52%-ы әуе билетін 2 апта бұрын сатып алады. Егер одан бұрын алсаңыз, әуе билеті арзан болады, - деді ол.
