Ел ішінде 43 өнім түрін сатуға тыйым салынды
bai-bol.kz 
Тексеріс нәтижесіне сәйкес, 69% бұзушылық анықталған
Қазақстанда 43 өнім түрін сатуға тыйым салынды. Бұл туралы Тұтынушылардың құқығын қорғау комитеті хабарлады.
«Сапалы өнім» жобасы аясында жүргізілген зерттеу 1 423 түрлі азық-түлік және тұрмыстық химия өнімдерінің үлгілерін қамтыды. Тексеріс нәтижесіне сәйкес, 69% бұзушылық анықталған. Өнімдердің көп бөлігі таңбалау талаптарына сәйкес келмейді. Ал үлгілердің 17%-ында санитарлық-эпидемиологиялық талаптар сақталмаған болып шықты.
Қазақстанда сапасыз азық-түлік өнімдері проблемасының ауқымы бұрын болжанғаннан әлдеқайда күрделі. «Сапалы өнім» жобасының нәтижелері өнім сапасын бақылауды күшейту және тұтынушылардың құқығын қорғау үшін шұғыл шаралар қабылдау қажеттігін көрсетеді. Тексерілген өнімдердің 69%-дан астамында бұзушылықтар анықталуы жүйелік мәселе екенін көрсетеді. 224 субъектіге әкімшілік жауапкершілік шаралары қолданылды, - деп мәлімдеді Сауда және интеграция министрлігі Тұтынушылардың құқығын қорғау комитетінің баспасөз қызметі.
