Илон Маск Техас штатында жаңа қала құрмақ
REUTERS/Michele Tantussi 
Маск үшін Техасқа көшу – жаңа қиындықтармен бетпе-бет келу
53 жастағы миллиардер Илон Маск 2024 жылдың басында SpaceX штаб-пәтерін Техасқа көшіретінін мәлімдеді. Ол аумақтың «Жалғыз жұлдыз штаты» деп аталатынын жеткізді, деп хабарлады Іxbt.
Шешім Калифорнияның гендерлік теңдік туралы жаңа заңына қатысты ұсынылған. Осы негізде Маск SpaceX штаб-пәтерінің Техасқа, Starbase деп аталатын нысанға көшетінін хабарлады. Бұл кешен Бока-Чика жағажайында, штаттың оңтүстік бөлігінде, Мексикамен шекараға жақын жерде орналасқан. Ол Starbase-ты заңды мәртебесі бар толыққанды қалаға айналдыруды жоспарлап отыр.
12 желтоқсанда SpaceX компаниясы Кэмерон округінің шенеуніктеріне бұл идеяны қолдау үшін жергілікті тұрғындар арасында дауыс беруді ұйымдастыруды сұрап хат жолдады.
Starship-тің дамуы мен өндірісін жеделдету мақсатында жұмыс күшін қамтамасыз етіп, Starbase-ты толық қауымдастық ретінде дамытуымыз керек, – делінген компанияның хатында.
Маск бастаманы өзі қолдап, X-де «SpaceX штаб-пәтері ресми түрде Техас штатындағы Starbase қаласында орналасады!» деп жазды.
Маск үшін Техасқа көшу – жаңа қиындықтармен бетпе-бет келу. Ол онда 20 жыл өмір сүрген Калифорниясын тастап, 2020 жылы көшіп барған еді. Енді әдеттегіден асып түсуді жоспарлап отыр. Ықпалын арттырып, SpaceX үшін ғана емес, Рио-Гранде алқабындағы жаңа қала үшін жаңа жоспар құрмақ.
Маск бұл идеяны әлеуметтік желіде алғаш рет 2021 жылы айтқан. Содан кейін ол «Біз Техастағы Starbase қаласын құрып жатырмыз» деп жазды қысқаша.
SpaceX-тің аймақтағы жылдам дамуы жергілікті тұрғындардың сынына ұшырады. Биыл шілде айында Save RGV компаниясы Масктың қаласын қоршаған ортаны былғады деп айыптады. Соның ішінде жақын маңдағы шығанаққа лас су ағызды деп сөгіп, компанияны сотқа берді.
SpaceX өз кезегінде айыптауларды жоққа шығарды. Ол мемлекеттік аудиттің қоршаған ортаға қауіп төндірмейтінін айтып, сотты «негізсіз» деп атады.
