Министрлік банктерге салықты арттырып, кәсіпкерлердің жағдайын жақсартпақ
myhotelline.com 
21 банк тек 600 млрд теңге салық төлеген
Қазақстанда екінші деңгейлі банктерге салық жүктемесін арттыру мәселесі қарастырылып жатыр.
Жер қойнауын пайдаланушылармен, мұнай саласындағы салық төлеушілермен жұмыс істеуді, сондай-ақ екінші деңгейлі банктерді қарастырып жатырмыз. Өйткені екінші деңгейлі банктер тарапынан түскен салық көлемі төмен. 21 банк тек 600 млрд теңге салық төлеп отыр. Қазір банк саласына салықты ұлғайтуды ұсынып отырмыз, - деді Қаржы вице-министрі Ержан Біржанов.
Оның айтуынша, министрлік мәселені пысықтап болған соң, тиісті норма Парламент қарауына жіберіледі.
Сондай-ақ жеке кәсіпкерлердің жағдайын жақсарту керек. Жаңа Салық кодексі аясында инвестиция салатын және жаңа кәсіпорын ашатындарға жағдай жасау маңызды, - деді Ержан Біржанов.
