Бес түрлі азық-түліктің импортына әлі тәуелдіміз
bai-bol.kz 
Қант қызылшасы рекордық көлемде жиналғанмен, оны өндіретін зауыт қажет
Ауыл шаруашылығы министрі Айдарбек Сапаров Қазақстанға импортталатын азық-түлік тауарларын атады.
Оның айтуынша, бүгінде 5 тауар түрі бойынша импорттық тәуелділік бар. Олар – құс еті, шұжық өнімдері, балық, қант, ірімшік пен сүзбе.
Мысалы, құс еті бойынша 3 жыл бұрын өз өндірісіміз 43 пайыз болған. Ал үлкен инвестициялық жобаларды іске қосқаннан кейін 73 пайызға жеттік. Қант 6-ақ пайыз болған, қазір 42 пайыз болып тұр, - деді министр.
Сондай-ақ ол биыл қант қызылшасы рекордық көлемде жиналғанын еске салды. Бірақ бәрін өзімізде өңдеу үшін жаңа зауыт салу қажет.
