Республика күнінде кейбір астаналықтарға біржолғы ақшалай көмек беріледі
bai-bol.kz 
Тізімді жұмыспен қамту және әлеуметтік қорғау басқармасы жасайды
25 қазан – Республика күнінде әлеуметтік осал топ санатына жататын Астана тұрғындарына 16 614 мың теңге төленеді, деп хабарлады қала әкімдігінің баспасөз қызметі.
Толығырақ айтқанда, «Астана қаласында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау қағидасына» сәйкес, жылына бір рет халықтың әлеуметтік осал санаттарына жататын азаматтарға мереке күндері төлем жасалады. 25 қазан – Республика күні табысы аз азаматтарға 16 614 теңге (4,5 АЕК) төленеді.
Тізімді Астана қаласының жұмыспен қамту және әлеуметтік қорғау басқармасы жасайды.
Еске сала кетсек, биыл Республика күні жұмаға сәйкес келеді. Сондықтан қазақстандықтар үш күн қатарынан – 25, 26 және 27 қазанда демалады.
