Атышулы Мұрат Әбділда TikTok-тан жарты сағатта 14,4 млн теңге тапты
dalanews.kz 
Тікелей эфирде жұрт оған 30 минут ішінде 6 024 549 алмас жіберген
Таяуда ғана түрмеден шыққан блогер Мұрат Әбділдә бір күнде миллионер болды. Ол кеше, яғни 18 қыркүйекте TikTok-та өзге блогермен батлға шығып, 3 рекорд орнатқан.
Бірінші рекорд – блогер жарты сағаттың өзінде 151,5 миллион лайк жинаған.
Екінші рекорд – оның тікелей эфирін бір сәтте 170 мың адам көрген. Бұл да TikTok-та тіркелген жаңа рекорд.
Үшінші рекорд — Мұрат Әбділдә отырған тікелей эфирдің сілтемесін 196,9 адам бөліскен.
Сонымен қатар, тікелей эфирді көріп отырған адамдар блогерге 30 минуттың ішінде 6 024 549 алмас жіберген. Бұл – TikTok есептері бойынша, 30 122 доллар немесе 14 432 528 теңге.
Еске сала кетсек, Мұрат Әбділда 2022 жылы әлеуметтік, ұлттық, нәсілдік, таптық араздықты қоздырды деген айыппен 4 жылға бас бостандығынан айырылған болатын. Ол көпшілікке әндерінен бөлек, желі эфиріндегі былапыт сөздерімен танымал.
Биыл 9 қыркүйекте блогер мерзімінен бұрын бостандыққа шықты.
