«Зейнетақы да, жалақы да аламын»: министр Нысанбаев 63 жасқа толды
Halyq Uni 
Зейнетақысы – шамамен 160 мың теңге
Экология және табиғи ресурстар министрі Ерлан Нысанбаев жалақы да, зейнетақы да алатынын айтты.
Министр биыл 63 жасқа толғанын атап өтті. Зейнетақысы – шамамен 160 мың теңге.
Иә, мен зейнетақы да, жалақы да аламын. Мемлекет басшысы өкілетімді ұзартты. Бұл маған жауапкершілік жүктейді. Мен жұмыс істеп, Отаныма пайда әкелуге тырысамын. Өйткені менде жеткілікті тәжірибе жинақталған. Уақыт өте әрқайсыңыз өмірде және жұмыста жинаған тәжірибе құнды екенін түсінесіздер, - деді ол.
Сондай-ақ зейнеткер министр ересектердің де жұмыс істеуге хақысы барын ескеру керектігін айтты.
Өйткені менің күш-қуатым, білімім мен тәжірибем бар. Қазақта «Үлкенге – құрмет, кішіге – ізет» деген жақсы сөз бар. Мен жастардың жолына бөгет болған емеспін. Алайда өзімнің міндетімді сапалы орындаруға бар күш-жігерімді саламын, - деді Ерлан Нысанбаев.
Айта кетсек, Ерлан Нұрәліұлы Нысанбаев 1961 жылы 11 тамызда Алматы облысында дүниеге келген.
