Биыл зейнетақы қорынан мерзімінен бұрын 66,5 млрд теңге алынған
коллаж: golos-naroda.kz 
БЖЗҚ активтері оң динамика көрсетіп жатыр
Биыл қазақстандықтар зейнетақы қорынан 66,5 млрд теңгені мерзімінен бұрын алған. Бұл туралы Ұлттық банк төрағасы Тимур Сүлейменов мәлімдеді.
Оның айтуынша, биыл қаңтар-ақпанда Ұлттық қордың активтері 0,3% өсіп, 60,2 млрд доллар болған.
Жыл басынан бері қорға түскен жалпы түсім – 912 млрд теңге, оның ішінде ұлттық валютада 184 млрд теңге болды. Ұлттық қордан республикалық бюджетке берілетін трансферттер көлемі – 1 трлн теңге.
Сондай-ақ Тимур Сүлейменов қазір БЖЗҚ активтерінің оң динамика көрсетіп жатқанын атап өтті.
Жыл басынан бері зейнетақы активтері 18,4 трлн теңгеге дейін немесе 3,6% өсті. Инвестициялық табыс көлемі – 151,1 млрд теңге, зейнетақы жарналары – 196,4 млрд теңге, ал жарнаны мерзімінен бұрын алу сомасы 66,5 млрд теңге болды, - деді Ұлттық банк төрағасы.
