Маркалар бойынша бірінші үштік өзгермейді

«Евразия» сақтандыру компаниясы автокөлік саласына қатысты соңғы жаңалықтар топтамасын жасады. Мәселен, Macan жаңа нұсқалары пайда болса, Қазақстандағы ең танымал автомобильдер анықталды.

Macan-ның жаңа нұсқалары пайда болды

Porsche электркроссоверінің модификация желісін кеңейтті. Енді Macan негізгі нұсқасы артқы осьте бір электр қозғалтқышы бар нұсқа болды. Ол 360 аттың күшін береді. Алғашқы «жүзді» 5,7 секундта еңсереді, ал батареяның толық заряды 641 шақырымға жетеді. Енді бұл – ең ұзақ қашықтықтағы модификация.

Оның артынан екі моторлы Macan 4 келеді. Ол бұрын бастапқы болған, жаңа Macan 4S және «ескі» белгілі Macan Turbo. 4S қарапайым «төрттіктен» 129 аттың күшінен күштірек және Turbo-ға қарағанда 123 азырақ, ең жоғарғы серпіні 516 аттың күшіне тең. Мұндай Macan 0-ден 10 шақырым/сағатқа дейін 4,1 секундта қарқын алады. Macan 4S жүрісінің паспорттық қоры – WLTP циклы бойынша 606 шақырым.

Жиынтықтамасына тәуелсіз, барлық Macan-да Off-road Design опционалды пакеті қолжетімді. Оған имитациялық қорғанысы бар жаңа алдыңғы бампер, артқы бампер қаптамасы, табалдырықтар және клиренсті 10 мм үлкейтуге мүмкіндік беретін «пневмомен» басқару блогы кіреді.

Еуропада жаңа Porsche Macan-ға тапсырыс қабылдау қазірдің өзінде ашық. Бізде электркроссовер әзірге алдыңғы буында ұсынылған.

Қазақстандағы ең танымал автокөліктер анықталды

Мамырда көшбасшылық орнынан түсіп қалған Hyundai Tucson маусымда қайта көшбасшылық орынға шықты. Бұл туралы Қазақстанның автокөлік одағы (ҚАО) хабарлады. Жаздың бірінші айында 1 884 данасы сатылды.

Chevrolet Cobalt та 2-орынға қайта шықты. Фавориттен ол 444 данаға аз сатылды.

Үздік үштікті 904 бірлікпен Kia аяқтайды. Бірақ Sportage емес, Sorento. Кроссовер бұл позицияны биыл алғаш рет алып отыр. Кіші модель 4-орынға шықты (867 автокөлік).

5-орынды жалғыз қытайлық көлік – Chery Tiggo 2 алады. Маусым айында оны 541 адам сатып алған.

Ары қарайғы орындарда Hyundai Santa Fe (472), Kia Ceed (434), Toyota Hilux (419), Hyundai Elantra (354) және Kia Cerato (341) тұр.

Маркалар бойынша бірінші үштік (Hyundai, Kia және Chevrolet) өзгермейді. 4-орынды Chery ұстап отыр. Ал Toyota жыл басынан бері алғаш рет бестікке кіріп, оны аяқтайды.

Маусымда барлығы 16 688 жеңіл автокөлік пен жеңіл коммерциялық техника сатылған.

Tank сатып алушыларға жоспарланған мерзімінен кешірек жеткізіледі

Жол талғамайтын көлік модельдерін шығаратын Great Wall концернінің 3 зауыты конвейерді тоқтатты. Бұл туралы Cnews post хабарлады.

Өндірісті тоқтата тұруға әдеттен тыс ыстық ауа райы себеп болған. Осыған байланысты Tank басшылығы қызметкерлер мен жабдықтардың мұндай жағдайда қалыпты жұмыс істей алатынына сенімді болғысы келеді. 23-31 шілде аралығында тексеру жүргізіледі.

Өндірістегі үзіліс 300, 400, 500 және 700 модельдеріне әсер етеді. Ол Қазақстан үшін жол талғамайтын көліктерді жеткізу мерзіміне әсер ете ме, жоқ па, ол жағы әзірге белгісіз.

Dacia Sandero – Еуропада ең көп сатылған көлік

JATO Dynamics талдау агенттігі бірінші жартыжылдық үшін сатылымдардың қорытындысын шығарды. Сонда ең танымал көлік Dacia Sandero болды. Ол бізде Renault брендімен танымал. Бюджеттік хэтчбектің 143 596 данасы сатылды.

2-орынға Volkswagen Golf шықты. Жыл басынан бері оны 126 993 адам сатып алған.

Renault Clio 114 623 дана нәтижесімен үздіктер үштігін аяқтайды.

Топ-10 құрамына Volkswagen T-Roc (111 381), Peugeot 208 (107 097), Skoda Octavia (102 945), Citroen C3 (102 304), Tesla Model Y (101 181), Toyota Yaris Cross (99 694) және Yaris (93 576) кіреді.