«Таныс іздеп не керек?» - ашынған әйел ұлына шетелде қалуға кеңес берді (ВИДЕО)
коллаж: orda.kz 
Қайдағы бір «ағашканың» артынан тиын-тебен жинап жүрсін бе? - дейді
Қазақстандық әйел әлеуметтік желіде кең тараған бейнежазбада ұлына Франция университетін тәмамдаған соң Отанына оралмауға кеңес берді. Бұл бейнежазба тез тарап, желі қолданушылары қызу талқылап жатыр.
Өзінің айтуынша, ол ұлына ондай кеңесті «мардымсыз жалақыға, тамыр-таныспен және мамандығы бойынша емес жұмыс істемесін» деген ниетпен берген.
Бүгін менің ұлым Францияда бакалавр дипломын қорғады. Бұған жету бізге оңай болмады. Оған да, бізге де қиын болды. Оны тіпті Макдональдсқа жұмысқа алмады. Жұмыс беруден бас тартқандар қажетті білігі жоқ екенін айтты. Ол мамандығы бойынша жұмыс тапқанда біз ипотекамызды төлегендей жеңілдеп қалдық. Салыстырып қарасақ, бұл Қазақстан ЖОО-ларының оқу ақысын төлегеннен де арзан болды. Француз, орыс, ағылшын, қазақ тілін біліп тұрып, мұнда мардымсыз жалақыға жегілуге не үшін оралуы керек? Таныс іздеп не керек? Қайдағы бір «ағашканың» артынан тиын-тебен жинап жүрсін бе? Өздеріңіз шешіңіздер, – деді әйел.
Бұл кеңес желі қолданушылары арасында қызу пікірталас тудырды. Бір тарап туған жерге адалдық танытып, қайта оралу керек десе, екіншілері адам жақсы өмір сүруі керек екенін айтып, елдегі әлеуметтік жағдай мен тамыр-таныстың арқасында жұмысқа тұруды сынады.
