Қазақстандық казинолардың жылдық табыстары жария етілді
otomkak.ru 
Салық кезеңі – 1 қаңтардан 31 желтоқсанға дейін
Қаржы министрлігінің Мемлекеттік кірістер комитеті қазақстандық ойын мекемелерінің жыл сайын қанша табыс табатынын мәлім етті.
Мысалы, 2022 жылы ойын және бәс тігу қызметімен айналысатын салық төлеушілердің жалпы жылдық табысы 1 триллион 48 миллиард 900 миллион теңге болған.
2023 жылы ойын және бәс тігу қызметімен айналысатын салық төлеушілердің жалпы жылдық табысы 1 триллион 270 миллиард 100 миллион теңгені қамтыды, - деп жауап берген комитет өкілдері Tengrinews.kz редакциясының ресми сауалына.
Ескерте кетсек, Мемлекеттік кірістер комитетінде 2024 жылға арналған мәліметтер әлі жоқ, өйткені салық кезеңі – 1 қаңтардан 31 желтоқсанға дейін. Алайда лотерея операторларының табысы – салықтық құпия.
Бүгінде Қазақстанда бірыңғай лотерея операторы – «Сәтті Жұлдыз» АҚ жұмыс істейді. Салық кодексінің 30-бабына сәйкес, лотерея операторының кірісі туралы ақпарат салық құпиясына жатады және салық төлеушінің жазбаша рұқсатынсыз жария етілмейді, - деп түсіндірді комитет өкілдері.
Онда қазақстандықтардың ойын орындарында қанша ақша ұтылғаны туралы да ақпарат жоқ болып шықты.
Айта кетейік, елімізде тек Ақмола облысы Щучье ауданының аумағында және Алматы облысындағы Қапшағай су қоймасының жағалауында казино қызметіне ресми түрде рұқсат етілген.
