Ел халқының қайырымдылық қорларына қаражат бөлу нәтижесі өте нашар
bai-bol.kz 
Орталық Азия елдері арасында Өзбекстан көш бастап, 45-орынға тұрақтады
Британдық Charities Aid Foundation қайырымдылық қоры құрастырған World Giving Index-2024 рейтингі бойынша, Қазақстан халықтың жомарттығы бойынша әлемдік рейтингте 124 елдің ішінде 113-орынға ие болған. Қор мәліметінше, бұл – соңғы 10 жылдағы ең нашар нәтиже.
Рейтингтегі позиция мына үш параметр негізінде қалыптасады:
- ел тұрғындары бейтаныс адамға қаншалықты тегін көмек көрсетуге дайын;
- адамдар қайырымдылыққа қаншалықты жиі ақша береді;
- волонтерлік ұйымдарға қанша уақыт бөледі.
Мәселен, Орталық Азия елдері арасында Өзбекстан көш бастап, 45-орынға тұрақтады. Алайда ол ел де былтыр 36-орында еді.
Қалған Орталық Азия елдері жаһандық тізімде мына орындарға ие болды:
- Тәжікстан – 62 орын (2023 жылы 24 орын);
- Қырғызстан – 64 орын (2023 жылы 34 орын);
- Қазақстан – 113 орын (2023 жылы 107 орын).
Ал Түркіменстан рейтингке кірмеді. Ол елдің позициясының төмендегенін экономикалық жағдаймен байланыстыруға болады.
Бұл ретте Индонезия 7 жыл қатарынан рейтингтегі ең жоғары орынды иеленді. Ол елдің халқының жағдайы жақсы болмағанымен, жомарт секілді.
Рейтингте Қазақстаннан төменде Әзербайжан (119), Армения (124) және Ауғанстан (135) тұр.
