Ұшақтан домбыраға да қосымша орын алмаса болмайды
oreshin-guitars.com 
Бұл – стандартты әлемдік тәжірибе
Air Astana әуе компаниясының вице-президенті Александр Небога ұшақ ішіндегі қол жүгі жәшіктеріне кейбір заттарды салу мүмкін емес екенін ескертті.
Айта кетсек, елордада әуе көлігі тақырыбына арналған баспасөз мәслихатында тілшілер әуе компанияларының басшыларынан «Жолаушылар өзімен бірге алып жүрген домбыраға қосымша ақы төлеу керек пе?» деп сұраған болатын.
Қол жүгі салынатын жәшіктердің көлемінде де, ондағы жүк салмағында да белгілі бір шектеулер бар. Тиісті музыкалық аспаптарды тасымалдауға рұқсат етіледі. Ол үшін қосымша орын алу қажет. Бұл жағдай – негізінен барлық әуе компаниясында қабылданған стандартты әлемдік тәжірибе, - деді Александр Небога.
Оның түсіндіруінше, тек домбыра немесе басқа да музыкалық аспаптар ғана емес, кез келген қол жүгінің көлемі ұшақтағы жәшіктерге сыймай тұрса, оған қосымша орын алу шарт.
