Тауарға қымбат баға қойған дүкендердің автоматты түрде анықталатыны ескертілді
bai-bol.kz 
Қай сауда субъектісінің үстемені асыра қосып жатқаны белгілі болады
Ұлттық экономика бірінші вице-министрі Тимур Жақсылықов тауарларды қымбатқа сататын шағын дүкендердің қалай тексерілетінін түсіндірді.
Ол алдымен дүкендердегі бағаға талдау (Big Data) жүргізілетінін атап өтті.
Жалпы, бұл тексерулер санына әсер етпейді. Талдау жасау арқылы, яғни цифрлық жолмен іске асырылады. Цифрлық даму, инновациялар және аэроғарыш өнеркәсібі министрлігі мен фискалдық органдардың бұған дейін жүргізген ауқымды цифрландыру жұмыстары елеулі әсерін тигізеді, - деді Тимур Жақсылықов.
Вице-министр түбіртектер мен шот-фактураларды талдау барасында тауарларды тым қымбатқа сататын дүкендер анықталатынын атап өтті.
Олардың негізінде қай сауда субъектісінің үстемені асыра қосып жатқаны белгілі болады. Тексеруге ешкім келмейді. Мұның бәрі автоматты түрде жиналады. Жүйе оны есептеп анықтайды, - деді ол.
