Ел ішінде бір жылда қазы мен жая қымбаттап кеткен
eldala.kz 
Соғым науқанында өндірілген 281 тонна жылқы еті – былтырғыдан 7,3% аз
Қазақстанда қазы бір жылда 5%, жая 3% қымбаттады. Жалпы, жылқы етінің өндірісі азайған. Бұл туралы energyprom.kz хабарлады.
Жылқы еті, әсіресе, Павлодар облысында (бір жылда 10,8%) қымбаттады. Одан кейінгі орында Ақмола (9,8%) және Маңғыстау (9,6%) облыстары тұр.
Бағаның ең аз өсімі Астанада (бар болғаны 0,7%) байқалды. Тек Шымкентте ғана бір жылда 4,6% арзандаған.
Негізінен биыл қаңтарда, яғни соғым науқанында елімізде 281 тонна жылқы еті өндірілген. Бұл – былтырғыдан 7,3% аз. Оның ішінде мұздатылған ет өндірісі бір жыл бұрынғы 13 тоннамен салыстырғанда, небәрі 8 тонна болды.
