Кәсіпкерлеріміз Иран мен Сингапурға өз тауарын кедергісіз шығара алады
siniyshar.ru 
Сингапурда Қазақстанның табиғи таза өнімдеріне қызығушылық бар
Сенат Еуразиялық экономикалық одақ пен Иран арасындағы, сондай-ақ ЕАЭО мен Сингапур арасындағы еркін сауда туралы келісімді ратификациялады.
Қазір Қазақстан мен Иран арасында тауарлардың шектеулі тізбесіне сауданың преференциялық режимі қолданылады. Ал бүгінгі келісім бажсыз сауда режимін 87-88 пайызға арттыруға мүмкіндік береді.
Келісім шеңберінде Иран көптеген тауар бойынша баждарды алып тастауға және негізсіз тыйымдарды қолданбауға міндеттеме алады. Осылайша, келісім сауда-саттықтың болжамды режимін және біздің тауарларымызды кемсітпеу кепілдігін қамтамасыз етеді, - дейді сенаторлар.
Сингапур да келісім күшіне енгеннен бастап Қазақстан мен Еуразиялық экономикалық одақ елдерінен әкелінетін барлық тауарға импорттық кедендік баждарды жояды.
Сауда және интеграция вице-министрі Жанель Күшікованың айтуынша, бүгінде Сингапурда тамақ өнімдері қымбат. Ол жақта Қазақстанның табиғи таза өнімдеріне қызығушылық бар. Сондықтан кәсіпкерлер үшін үлкен мүмкіндіктер ашылып отыр.
