Audi да 3 мың жұмысшысы бар ең ірі зауыттарының бірін жабуға мәжбүр
belga 
Компанияның 2033 жылға қарай толығымен электрлік қуатқа көшу жоспары қайта қаралуы мүмкін
Audi компаниясы жұмыстың тоқтауына байланысты, Брюссельдегі зауытын 2025 жылдың 28 ақпанында жабатынын мәлімдеді.
Неміс ақпарат құралдарының мәліметінше, мұндай шешім осы зауытта шығарылатын Q8 E-Tron және Q8 E-Tron Sportback үлгілеріне сұраныстың жеткіліксіздігінен қабылданған.
3 мыңнан аса адам жұмыс істейтін Брюссель зауыты 1949 жылы ашылды. Бұл жер люкс автокөліктер сегментіндегі әлемдегі алғашқы көміртекті бейтарап зауыт болды. Осыған қарамастан, Q8 E-Tron үлгілерінің сатылымы 2023 жылы бар болғаны 49 001 бірлік болды. Бұл – өткен жылмен салыстырғанда 4,3 пайызға төмен.
Зауыттың максималды жылдық қуаттылығы – 120 мың көлік. Бұл оның әрі қарай жұмыс істеуін экономикалық тұрғыдан тиімсіз етеді.
Брюссельдегі зауытты жабу туралы шешімге келу қиынға соқты. Жеке мен үшін бұл кәсіби мансабымда қабылдауға тура келген ең қиын шешім болды, - деді Audi басқарма мүшесі және өндіріс басшысы Герд Уокер.
Audi компаниясының зауытқа сатып алушы іздеу әрекеті сәтсіз аяқталды. Бұрын оны қытайлық Nio компаниясының сатып алуға мүдделі болуы мүмкін екені хабарланған еді. Бірақ бас директор Уильям Ли қыркүйекте бұл қауесетті жоққа шығарды.
Audi компаниясының 2033 жылға қарай толығымен электрлік қуатқа көшу жоспары қайта қаралуы мүмкін. Бас директор Гернот Делльнер Audi өзінің стратегияларында икемді болып қалуды мақсат ететінін айтты.
Bentley, Volkswagen Group брендтері де электрмен жұмыс істеуді жоспарлап отыр. Мысалы, Bentley бензинсіз көлік жоспарын 2030 жылдан 2033 жылға дейін ауыстырды. 2035 жылға қарай модельдер ауқымы толық электрлендіріледі.
VW негізгі бренді Еуропада 2033 жылға қарай толығымен электрлі күйге ауысуы мүмкін. Бірақ қазіргі Гольф сияқты жану қозғалтқышы модельдері нарықта 2035 жылға дейін, ЕуроОдақ зиянды шығарындылары бар автомобильдерді сатуға тыйым салуды жоспарлағанға дейін сақталуы мүмкін.
