Қазақтың беташары ЮНЕСКО-ның мәдени мұралар тізіміне кірді
photomaster.kz: UGC 
Шешім Парагвай астанасы Асунсьонда өткен арнайы жиында қабылданды
БҰҰ Білім, ғылым және мәдениет жөніндегі ұйымы беташар салтын материалдық емес мәдени мұралар тізіміне енгізді.
Мемлекеттік кеңесші Ерлан Қаринның айтуынша, ұйым комитеті мұндай шешімді Парагвай астанасы Асунсьонда өткен арнайы жиында қабылдаған.
Жаңа ғана Парагвай астанасы Асунсьонда ЮНЕСКО-ның Материалдық емес мәдени мұраны қорғау комитетінің отырысында қазақтың ежелгі салттарының бірі – беташар адамзаттың материалдық емес мәдени мұрасының репрезентативтік тізіміне енгізілді, – деп мәлімдеді Ерлан Қарин.
Сөз жоқ, беташар – жаңа түскен келіннің бетін ашып, оған ата-енесін, күйеуі жағындағы туыс-туғандарын таныстыратын қазақтың ертеден бергі салты.
