Биткойн бағамы 100 мың доллардан асты
www.fx.co 
Енді ол жыл соңына дейін 120 мың долларға жетуі мүмкін
Биткойн бағасы алғаш рет 100 мың доллардан асты. Қазір 1 биткойн 103 487 долларға тең.
Оның өсуіне криптоинвесторлардың «АҚШ президенті Дональд Трамптың жаңа әкімшілігі осы саланың дамуына қолайлы жағдай жасайды» деген болжамы себеп болған. Сондықтан кейінгі 4 аптада биткойн 45% қымбаттады. Ал жыл басынан бері оның құны 2 есе өскен.
Трамптың кампаниясын криптовалюта қолдаушылары белсенді түрде қолдады. Өзінің либералды ұстанымымен танымал Пол Аткинстің АҚШ Бағалы қағаздар және биржа комиссиясының басшысы болып тағайындалуы, сондай-ақ Трамптың биткойнның ұлттық резервін құру туралы уәдесі инвесторлардың цифрлық активтерге деген сенімін нығайтты.
Сарапшылардың болжауынша, биткойнның ендігі бағасы жыл соңына дейін 120 мың долларға жетуі мүмкін.
