«Отыздан асып барамын» әнінің авторы 12 шаршы метрлік пәтерде тұрады
Сондай-ақ ол – «Сәт» триосын халыққа танытқан «Көнеміз ғой» әнінің авторы
«Отыздан асып барамын» әнінің авторы Садық Қынат та «Астарлы ақиқат» бағдарламасы арқылы ел алдына шығып, өзінің қазір қалай өмір сүріп жатқанын көрсетті.
Осы орайда сазгер Шымкент қаласынан қоныс аударып келіп, Алматыдағы аядай ғана пәтерлде тұрып жатқанын айтып берді.
Әуесқой сазгердің «Отыздан асып барамын» хитінен бөлек, кезінде зағип балалардан құралған «Сәт» триосын халыққа танытқан «Көнеміз ғой» әнінің авторы екенін де көпшілік біле бермейді.
Еске сала кетсек, бұған дейін «Аспанға қараймын» әні авторының такси жүргізіп және «Аппақ қар» әні авторының «петакта» қара жұмысқа жалданып нәпақа тауып жүргендерін жазған болатынбыз.