Әр қазақстандықтың күніне жарты келі картоп тұтынуы мүмкін емес - депутат
Әкімдіктер, орталық мемлекеттік органдар жалған мәлімет беруге әбден үйреніп алды, - деді ол
Мәжілістегі Respubliса фракциясының депутаттары Ауыл шаруашылығы министрлігінің ресми деректеріне күмән келтірді.
Салалық одақтардың бағалауына сәйкес, бидайға қатысты берілген есеп 3 млн тоннаға артық. Бәріміз білеміз, 2021 жылы Маңғыстау облысынан бастап, бүкіл оңтүстік, батыс өңірлерінде қуаңшылық болды. Сол кездегі Ауыл шаруашылығы министрі ауыр жағдайға қарамастан 20,1 млн тонна астық жиналғанын сүйінші сұрап жеткізгені есімізде. Жекелеген аймақтарда мал басын санағанда анықталған сәйкессіздік 40%-ды көрсетті», - деді депутат Айдарбек Қожаназаров.
Оның айтуынша, елімізде шенеуніктер жалған есеп беруге әбден үйреніп алған. Алайда бұл азық-түлік қауіпсіздігіне қауіп төндіреді.
Оның айтуынша, әкімдердің арасында бәсеке болғаны жақсы. Бірақ олар нақты атқарылған іспен, нәтижемен жарысып жатса, онда оны құптауға болады. Ал ойдан шығарған сандармен арзан ұпай жинау елге қажет емес.
Сондай-ақ ол мәселені шешу үшін өз ұсынысын айтты.
Оның пікірінше, шаруа қожалығы жергілікті әкімдердің сұрауы бойынша өндірілген өнім көлемін ұлғайтып көрсететін болса, оған тиісінше салынатын салық көлемін де ұлғайту қажет.