Жергілікті бизнесті қолдауға арналған байқау басталды
bai-bol.kz 
Жеңімпаздар 4 дана iPhone 16 Plus смартфонына ие болады
TikTok жетекші қысқа және креативті бейне платформасы қазақстандық бизнесті ел ішінде де, шетелде де қолдауға және танымал етуге бағытталған #ҚазақстандаЖасалған жаңа байқауының басталғанын хабарлайды. Бұл іс-шара «Атамекен» ұлттық кәсіпкерлер палатасымен (ҰКП) бірлесіп іске асырылып жатыр.
TikTok кәсіпкерлерге өз идеялары мен өнімдерін жаһандық платформада ілгерілету үшін кең мүмкіндіктер бере отырып, бизнестің өсуіне белсенді түрде ықпал етеді. Үлкен аудиториясы және мазмұнды құру және таратудың қуатты құралдары бар TikTok кәсіпкерлерге бренд туралы мағлұматты арттыруға, әлеуетті тұтынушыларға қол жеткізуге және бизнесін кеңейтуге мүмкіндік беретін жергілікті және халықаралық компаниялар үшін тиімді платформаға айналды.
Байқау 9 желтоқсанда басталып, өтініштер 29-ына дейін қабылданады. Қатысушылар өз тарихын бөлісіп, қысқа бейне форматында өз бизнесі, оның міндеттері мен мақсаттары туралы айтуы керек. Жоба жергілікті кәсіпкерлер қауымдастығына өзі, сонымен қатар, Қазақстан экономикасының дамуына қосқан үлесі туралы айтудың бірегей мүмкіндігін беріп қана қоймай, басқаларды өз бизнесін құруға шабыттандырады, - деп жазылған хабарламада.
Байқау аясында жеңімпаздар мына 4 номинация бойынша анықталады:
- Әлеуметтік бизнес: мүгедектерге немесе басқа да осал топтарға қолдау көрсету сияқты әлеуметтік мәселелерді шешуге қосқан үлесі үшін;
- Жасыл кәсіпкерлік: қоршаған ортаны қорғауға және экологиялық таза технологияларды пайдалануға бағытталған бизнес-бастамалар үшін;
- Жастар бизнесі: Ойын ережелерін өзгерте алатын жас кәсіпкерлер мен стартаптар үшін;
- Бір ауыл – бір өнім: дәстүрлер мен аймақтық ерекшеліктерді көрсететін бірегей өнімдер мен қызметтерді қолдау үшін.
Қатысушылар 16 жастан асқан, Қазақстанда тұруы және жалпыға қолжетімді TikTok профилі болуы керек. Қатысу үшін 30 секундтан 2 минутқа дейін созылатын, бизнестің мәнін, сонымен бірге, оның шешетін мәселелерін ашатын қысқа бейнеролик жасап, оны TikTok-қа #ҚазақстандаЖасалған хэштегімен орналастыру қажет. Жеңімпаздар бағалы сыйлықтарға – 4 дана iPhone 16 Plus смартфонына ие болады.
Байқау екі кезеңмен бағаланады:
- 1-кезең: Жоба ережелеріне сәйкес бейнелердің қысқаша тізімін жасау, сондай-ақ оларды номинациялар арасында бөлу;
- 2-кезең: TikTok пен «Атамекен» ҰКП өкілдерінен тұратын қазылар алқасы жеңімпаздарды бірегейлік пен креативтілік, сондай-ақ елдің экономикалық дамуына және қоғамның мәселелерін шешуге қосқан үлесі бойынша анықтайды.
Байқауға қатысу үшін:
- қатысу үшін номинацияны таңдау;
- таңдалған номинация бойынша бейнеролик жасап, оны #ҚазақстандаЖасалған хэштегімен жариялау;
- #ҚазақстандаЖасалған хэштегінің сипаттамасындағы сілтеме арқылы байқау бетіне өтіп, арнайы форма арқылы оған қатысу үшін бейнеролик жіберу.
Жеңімпаздар тізімі 2025 жылдың қаңтарында жарияланады.
