Ақтөбелік кәсіпкерлер әлем чемпионына бір үйір жылқы сыйлады
Бұған дейін кәсіпкер Ерлан Қожасбай Zeekr 001 көлігінің кілтін табыстаған-ды
Тиранада өткен олимпиадалық емес салмақ дәрежелеріндегі әлем чемпионатында еркін күрестен алтын медаль жеңіп алған Нұрқожа Қайпановқа ақтөбелік кәсіпкерлер бір үйір жылқыны тарту етті.
Нұрқожа Қайпанов өзінің Instagram-дағы парақшасына бір үйір жылқының сертификатын ұстап тұрған суретін жариялады.
Айта кетсек, бұл жолы Нұрқожа Қайпанов еркін күрестен әлем чемпионы атанған екінші қазақ балуаны болды. Сол себепті бұған дейін жас чемпионға кәсіпкер Ерлан Қожасбай Zeekr 001 көлігінің кілтін табыстаған еді.
Еске сала кетсек, бұдан бұрын ақтөбелік тағы бір кәсіпкер Ануар Махановтың Олимпиада чемпионы атанған Елдос Сметовке 100 жылқы сыйлағанын жазған болатынбыз.