«Абайды танымай, Әуезовті оқымағандар ма?» - Байменовтің тоғызқұмалақ атауын өзгертуді ұсынған депутатқа жауабы
Қасиетті құндылықтармен ойнауға болмайтынын мәлімдейміз, - деді ол
Мәжіліс депутаты Гүлдара Нұрымова Дүниежүзілік көшпенділер ойындары жақындап қалғанда «бүйректен сирақ шығарып», қазақтың ұлттық ойыны – «Тоғызқұмалақ» атауын өзгертуді ұсынды.
Вице-премьер, V Дүниежүзілік көшпенділер ойындарына дайындық жөніндегі ұйымдастыру комитетінің төрағасы Тамара Дүйсеноваға жолдаған депутаттық сауалында ол сөзін «аса маңызды бір мәселе туралы айтқым келеді» деп бастады. Сондағы бар айтқаны:
«Құмалақ» деген сөзден ұялғанға ұқсайды. Оны ауыстыруға балама да ұсынып көрді.
Бірақ ондай шешім қабылдауды депутат дұрыс санағанмен, өзі атап өткен Қазақстан және дүниежүзі тоғызқұмалақ федерациялары оған келіспейді.
Нұрымова этнограф Григорий Загряжскийдің жазбасын мысал етсе, федерация президенті Әлихан Байменов «Бұлар Абайды танымай, Әуезовті оқымағандар ма?» деп отыр.
Оның айутынша, тоғызқұмалақ – ұлттың мыңжылдық тарихы бар зияткерлік ойыны. ЮНЕСКО оны адамзаттың мәдени мұрасы деп 2020 жылы мойындаған.
Біздіңше, сөздің тоқетері осы болды. Сондай-ақ Әлихан Байменов депутатқа берген жауабын ауыз толтырып айтарлық деректермен «тұздықтап» жіберді. Айтуынша, осы уақытқа дейін тоғызқұмалақтан 6 әлем чемпионаты өтіп, оған 25-30 ел қатысқан. Жаһанға танымал зияткерлік ойындар сайттарында тоғызқұмалақ көшбасшы орында. Қазақстанда 210 мың адам бұл ойынды түрлі деңгейде ойнайды.