«Қазақстан барысының» жеңімпазына Дулат Тастекей автокөлік сыйлады
el.kz 
Кілт мәслихат депуттары Қайырлы Қасенов пен Мерей Қарттың қатысуымен табысталды
Жақында «Қазақстан барысында» топ жарған балуан Ерасыл Қажыбаевқа белгілі меценат Дулат Тастекей автокөлік сыйлады.
Биыл жазда Ақсуатта өткен ASSYL ARLAN турнирінде жеңіске жеткенмін. Сол кезде Дулат Тастекей «Енді «Қазақстан барысы» турнирінде чемпион болуың керек. Сен соған лайықсың. Жеңсең, бізден қомақты сый болады» деп мотивация берген еді. Мақсатымыз айқын болып, биыл чемпион атандық, - дейді Ерасыл Қажыбаев.
Меценат балуанға Абай облысының мәслихат депуттары Қайырлы Қасенов пен Мерей Қарттың қатысуымен автокөліктің кілтін табыстады. Ерасыл Қажыбаев өзіне қамқорлық танытқан ағаларына ілтипатын жеткізді.
Бұл сыйлық – мен үшін тек көлік емес, сіздердің маған деген сенімдеріңіз бен қамқорлықтарыңыздың белгісі. Осы жақсылықтарыңызды ұмытпаймын, - деді 2024 жылғы «Қазақстан барысы» турнирінің жеңімпазы.
