Рамазан Амантай Toyota Highlander ойнатып, оны ұтқан отбасыға ескі Lada сыйлаған
Тіпті, сыйға ұсынып тұрған көлігінің алды соғылғанын көруге болады
Белгілі актер Рамазан Амантай Instagram-дағы парақшасында «Хотя бы кинода 3» фильмін көрген адамдар арасында Toyota Highlander көлігін ойнатқан. Алайда ол көлік ұтқан жас отбасыға Toyota Highlander көлігінің орнына ескі Lada Largus көлігін сыйлай салған.
ulysmedia.kz-тің хабарлауынша, жақында ғана жарық көрген Zamanback фильмімен Қазақстанды шулатып жүрген Рамазан Амантай өзі продюсерлік еткен «Хотя бы кинода 3» фильмін Telegram-нан көрген жандарға 4 көлік және Алматы қаласынан 2 бөлмелі пәтер сыйлауды уәде еткен.
Енді сол уәдесінде тұрып, 16 қарашада киносын көрген алматылық Сәбина есімді келіншекке алғашқы Toyota Highlander көлігін сыйлағанын айтқан. Көлікті тапсыру рәсімінде Toyota Highlander-дың орнына Lada Largus көлігін беремін деген.
Суреттен сыйға ұсынып тұрған көлігінің тым ескі, тіпті, алды соғылғанын көруге болады.