Қабырғаға скотчпен жапсыра салған банан 3 млрд теңгеге сатылды
Оны қытайлық крипто-кәсіпкер әрі коллекционер сатып алған
Sothebyʼs аукционында суретші Маурисио Каттеланның инсталляциясы – қабырғаға скотчпен жабыстырылған банан 6,2 миллион долларға (3 100 000 000 теңге) сатылды.
Бұл заманауи өнер туындысын қытайлық крипто-кәсіпкер әрі коллекционер Джастин Сан сатып алған. Ол Х әлеуметтік желісіндегі парақшасында аталған инсталляцияны «өнер, мемдер және криптовалюта қауымдастығының әлемін байланыстыратын» мәдени феномен деп атады және жақын арада осы бананды жеуге ниетті екенін айтты.
Енді бұл «туынды» сатып алушыға түпнұсқалық сертификатымен және банан шіріген кезде оны қалай ауыстыру керектігі жазылған нұсқаулықпен жеткізіледі.