Колледж студенттері арнайы орталық арқылы бір-бір бизнес жүргізуге көшті
97 мемлекеттік колледж өздері өндірген тауарды сатуға шығарып жатыр
Кәсіпкерлік бойынша қолайлы орта құру және білім алу, бизнес стартаптарды дамыту мақсатында былтырдан бері қазақстандық колледждерде Business Startup студенттік орталықтары ашылып жатыр.
Оқу-ағарту министрлігі баспасөз қызметінің мәлметінше, бүгінде олардың саны 20-ға жеткен.
Жоспарға сәйкес, 2028 жылға дейін республика бойынша колледждерде осындай 100 орталық құрылады. 97 мемлекеттік колледж қазірдің өзінде өздері өндірген тауарды сатуға шығарып жатыр. Бұл оларға өз бетінше табыс табуға мүмкіндік береді.