Ауыл шаруашылығы министрі «хит жүзімді» тексерістен өткізетіндерін айтты
Шекарадан өткен болса, онда барлық қажетті сертификаттар бар
Желіде қазақстандықтар арасында «шайн мускат» жүзімі қызу талқыға түсіп жатыр. Аталған жеміс-жидекке қатысты Ауыл шаруашылығы министрі Айдарбек Сапаров пікір білдірді.
Кей ақпарат көздері жүзімде химиялық заттар көп екенін айтып отыр. Ал министр Айдарбек Сапаровтың айтуынша, Қазақстанға жеткізілетін кез келген өнім зертханаға тапсырылуға тиіс.
Сондай-ақ ол аталған жүзімді өзі сынамағанын, бірақ шекарадан өткен болса, онда барлық қажетті сертификаттар бар екенін алға тартты.