70 жастағы әже TikTok-тан 10 миллион теңге тапты
видеодан скриншот 
TikTok-ты шайқап-шайқап жатырмын, - дейді «Батыстың әжесі»
Атыраулық «Батыстың әжесі» – Хадиша Аймұхамбетова TikTok-та стримге шығып, 1 жылда 10 миллион теңге тапқан. Бұл туралы ол «Хабар» тедеарнасының журналистеріне берген сұхбатында айтты.
Қарашаның 4-інде TikTok-қа кіргеніме бір жыл болды. Балам «үйде бала қарап отырсың ғой, TikTok-қа шығасың ба?» деді. «Ойбай, шығайын, маған да ермек керек» дедім. Қалаға келгелі әңгімелесетін үлкен адам жоқ. TikTok-ты шайқап-шайқап жатырмын. Мені «әжеге болсын» деп қазақтар қолдайды. Үлкен кісі деп сыйлайды, - дейді Хадиша Аймұхамбетова.
Бүгінде аталған желіде «Батыстың әжесіне» 87 мың адам жазылған.
