Роналду, Неймар, Бенземаның қанша жалақы алатыны айтылды
Ақпарат Bloomberg және Forbes мәліметтеріне негізделген
Криштиану Роналдудың «Аль-Наср» клубында қанша жалақы алатыны белгілі болды. Бұл туралы Euro-football.ru хабарлады.
Сауд Арабиясы футболындағы ең жоғары жалақы алатын ойыншылардың рейтингі Al Sharq News беттерінде жарияланды. Ақпарат Bloomberg және Forbes мәліметтеріне негізделген.
Роналду – Сауд Арабиясы лигасындағы ең жоғары жалақы алатын ойыншы. Оның жылдық табысы – 285 миллион доллар. Бұл соманың 220 миллион доллары – спортшының жалақысы, қалғаны – футболдан тыс табыс.
Екінші орында жылдық жалпы табысы 110 миллион долларды қамтитын Неймар тұрса, Карим Бензема 104 миллион доллармен үздік үштікке кірген.