Google, iHerb, Apple, YouTube, Instagram Қазақстанға миллиардтап салық төледі
bai-bol.kz 
Тіпті, кейінгі Temu компаниясының өзі 760 млн теңгеден аса қаржы аударған
Шетелдік компаниялар кейінгі 3 жылда Қазақстан бюджетіне 58 млрд теңге төледі. Бұл туралы Jibek Joly телеарнасы хабарлады.
IHerb, Apple, YouTube, Instagram және басқа да халықаралық компаниялар қазақстандықтар цифрлық қызметтерін пайдаланғаны үшін салық төлейді. Кейінгі 3 жылда шетелдік компаниялар Қазақстан бюджетіне 58 миллиард теңгеден аса қаржы аударған.
2022 жылы жалпы кіріс көлемі 10 млрд теңгеге жеткен. 2023 жылы 24 млрд теңге, биыл 9 айда бюджетке 23 млрд теңге салық түскен.
Қалғандарының көпшілігі денсаулыққа арналған iHerb өнімдерін сатуға арналған нарықтан келеді. Салық енгізілгеннен бері олар 11 млрд теңге аударған.
Apple компаниясынан 9 миллиард теңге аударылған, Google-дан сәл азырақ.
Тіпті, Temu компаниясы ел бюджетіне 760 миллион теңгеден аса қаржы аударған.
Түсім одан әрі өседі деп сендірді шенеуніктер. Ал міндетті төлемдерден ешкім жалтарып кетпеуі үшін Мемлекеттік кірістер комитеті айыппұл санкциясын енгізуді ұсынды.
Заң жобасы қаралып жатыр. Бұл салық заңнамасын сақтамайтын салық төлеушілерге қатысты. Интернет-ресурстар шектеледі, яғни біздің жеке тұлғаларымыз салық заңнамасын сақтамайтын салық төлеушілердің сайттарына кіре алмайды, - деді Мемлекеттік кірістер комитеті цифрлық активтер басқармасының басшысы Талғат Әділов.
