Ұлына алимент төлемеген әйел бас бостандығынан айырылды
Жазасын Абай облысындағы әйелдер колониясында өтеп жатыр
Абай облысында баласына алимент төлемеген тұрғын бас бостандығынан айырылды.
Полиция қызметкерлерінің мәліметінше, Риддердің 31 жастағы тұрғынына 4 жыл бойы алимент төлемей, ұлына шамамен 3 млн теңге қарыз болғаны үшін сот үкімі бойынша 1 жыл бас бостандығын шектеу жазасы тағайындалған болатын. Бірақ соттың шешіміне қарамастан және пробация қызметінің есебінде тұрған кезде де ол жазаның өтеу шарттарын жүйелі түрде бұзып келген. Сотталған әйел пробация қызметінің жазасын өтеуден жалтарып, есеп беруге келмей, тексеру кезінде тұрғылықты жері бойынша үйінде болмаған. Сол үшін бас бостандығын шектеу жазасы 7 ай мерзімге бас бостандығынан айыру жазасына ауыстырылды.
Ол жазасын Абай облысындағы әйелдер колониясында өтеп жатыр. Қазір карантиндік бөлімде.