Бүркітші Айшолпанға ШҚО халқы атынан пәтер табысталды (ВИДЕО)
imdb.com 
Сондай-ақ бүркітшілердің бірі өзінің қыран құсын сыйға тартты
Бүркітші қыз Айшолпанға Шығыс Қазақстан облысының халқы атынан 2 бөлмелі пәтер кілті табысталды.
Айта кетсек, өңірдің Ұлан ауданында «Шығыс салбурыны-2024» халықаралық фестивалі өткен болатын. Фестиваль аясында теңге ілу, жамбы ату, асау үйрету сынды ұлттық спорт түрлері бойынша жарыстар ұйымдастырылды. Айшолпанға пәтер осы іс-шара барысында берілді. Оған 2 бөлмелі пәтер кілтін облыс халқы атынан президент кеңесшісі Берік Уәли табыстады.
Бір қызығы, Айшолпан Нұрғайыпқызы пәтер алатынын білмеген. Кілт табыстау рәсімінде көз жасына ерік беріп, облыс әкіміне алғысын білдірді. Сондай-ақ оған бүркітшілердің бірі өзінің қыран құсын сыйға тартты.
