Павлодар облысының әкімдігі өздерін БАҚ-та насихаттауға көп ақы төлеген
culture.ru 
Прокуратура бюджетте 180 миллион теңге үнемдеді
Павлодар облысының әкімдігі БАҚ-та ақпарат жариялау үшін миллиондаған бюджеттік теңгені артық төлеген. Прокуратура кінәлі шенеуніктердің жазаланғанын мәлімдеді.
Бұған дейін Мәдениет және ақпарат министрлігі бұқаралық ақпарат құралдарында мемлекеттік ақпараттық саясатты іске асыру жөніндегі қызметтердің базалық бағаларын бекіткен болатын. Мәселен, газетке материалды орналастыру – шаршы метрі үшін 400 теңге. Ал интернет-ресурстарда – бір символ үшін 38 теңге, теледидарда минутына 39 мың 500 теңгеден есептелген.
Облыстың ақпарат және әлеуметтік даму басқармасы бұл қызметтерді негізсіз көтерме бағамен сатып алған. Мысалы, газеттерге орналастыру құнын 3,5 есеге (бағасы 1 447 теңге), интернет-ресурстарда 7 есеге (270 теңге), теледидарда 16 есеге (633 мың 862 теңге) қымбаттатқан, - делінген хабарламада.
Прокуратура іске араласқан соң жергілікті БАҚ қызметтерінің бағасы қайта қаралды. Осылайша, бюджетте 180 миллион теңге үнемделді. Кінәлі шенеуніктер қатаң тәртіптік жазаға тартылды.
