Беташардың көрімдігін асаба алмауы керек – сарапшылар пікірі
Қалталы азаматтардың ақша салудан жарысатыны да ерсі
Соңғы уақытта беташар жасау бизнеске айналып бара жатқандай. Қайда барсаң да көрімдік салардағы бәсекелестік трендке айналған, деп хабарлады «Астана» телеарнасы.
Дәстүрлі әнші Жаһангер Алдан айына кемінде 15 келіннің бетін ашады екен. Айтуынша, халықтың өзі шоу қылып өткізуді сұрайтын көрінеді.
Ал мәдениеттанушылардың айтуынша, қалталы азаматтардың жарыса ақша салып жататыны дұрыс емес. Ежелден келе жатқан дәстүріміздің бағыты басқа.
Сондай-ақ көп жерде келінге берілген көрімдікті асаба иеленеді. Ақын Нұрлан Қалқа бұл шаңырақ көтеріп жатқан жастардың еншісі болуға тиіс деген пікірде.
Әрине әр дәстүрдің мәйекті мәні, мәуелі мағынасы бар. Тек беташардың қадірін кетірмей, құнын аласартпай, келер ұрпаққа бұзылмаған түрде жеткізу – парыз.