Санкциядан көз ашпаған Ресейге Қазақстандағы мұнай акцияларын алу ұсынылды
Ал Батыс тарапы бұғатталған алтын-валюта қорын Украинаға бергісі келеді
Теңіз, Қашаған және Қарашығанақтағы шетелдік компаниялардың акцияларын Батыс бұғаттаған ресейлік активтерге айырбастау ұсынылды.
Мұндай ұсынысты Президент жанындағы мұнай-газ кеңесіне үндеу әзірлеп жатқан «Парасат» кәсіпкерлер альянсы жасады. Бастама авторлары келісімшарттарды қайта қараудан түскен қаражатты жоспарланған бағдарламалар мен реформаларды іске асыруға пайдалануға болатынын атап өтті.
Егер Ресей шетелдік мұнай-газ компанияларынан келісім алса, тыйым салынған қаражат тұрақты кіріс әкелетін активтерге айналады. Батыс үшін артықшылықтар – өз акциялары үшін ақша алу. Қазақстан да келісімшарттарын жақсарта алады.
Үндеуде бұл шара ресейлік «Росатоммен» бірлесіп, Қазақстанда бірінші атом электр стансасын салуға көмектесуі мүмкін екендігі атап өтілген. Өйткені Ресейдің бұғатталған қаражатын пайдалана отырып, 15 миллиард доллар көлемінде қол қою бонусын келісуі мүмкін.
Жоба авторлары бұл ұсынысты қазір әзірленіп жатқан 2029 жылға дейінгі ұлттық даму жоспарына енгізіп, Үкімет пен Парламенттің қос палатасы платформаларында талқылауды ұсынып отыр.