Мамырда «9-20-25» бағдарламасының алғашқы өтінімі мақұлданды

Биыл 1 наурыздан бастап «9-20-25» ипотекалық бағдарламасының іске қосылғаны мәлім. Ол республикалық бюджет және «Отбасы банк» есебінен қаржыландырылады.

Еске сала кетсек, 2018 жылы іске қосылған «7-20-25» бағдарламасы 2023 жылға дейін үздіксіз жұмыс істеп тұрды. 2023 жылы да жалғасқанмен, ипотека беруге бірқатар өзгеріс енгізілді. Мәселен, бағдарлама бойынша жылына 100 млрд теңге ғана бөлініп, ол 12 айға бөлінді. Содан кейін ипотека рәсімдеуге қатысты мәселе туындай бастады.

Содан соң былтыр Үкімет 2024 жылы «9-20-25» жаңа ипотекасының іске қосылатынын мәлім етті.

Осылайша, жаңа бағдарлама аясында жыл сайын 8 мың отбасын баспанамен қамтамасыз етуге болады. Оны «Отбасы банк» пен «Бәйтерек» холдингі бірлесе әзірлеген. Не үшін 9-20-25 десеңіз, ол – осы бағдарлама арқылы 20 пайыз бастапқы жарнаны салып, 9 пайыздық мөлшерлемемен 25 жылға дейін баспана несиесін рәсімдеуге болады деген сөз.