Сатушыны мемлекеттік тілде қызмет көрсетуге міндеттеу қажет - депутат
Жаңа заң жобасы азаматтық тұтынушы дауларын шешу тәртібін көп сатылыдан екі кезеңге дейін жеңілдетеді
Мәжіліс депутаты Ринат Зайытов «Тұтынушылардың құқығын қорғау туралы» заң жобасын талқылау барысында құжатқа қазақ тілінің мәртебесіне қатысты нормаларды енгізуді ұсынды.
Ал заң жобасының өзін Сауда және интеграция министрі Арман Шаққалиев таныстырды.
Түпнұсқалық ақпаратта тұтынушылардың құқығын қорғау комитетіне 2021 жылы 25 мың, 2022 жылы 30 мың өтініш түссе, 2023 жылы олардың саны 51 мыңға жеткені айтылған. Басқа да мемлекеттік органдарға өтініштер саны артқан. 2021 жылы 45 мың, 2022 жылы 47 мың болса, 2023 жылы 74 мыңнан асты.
Министрдің айтуынша, құжат азаматтық тұтынушы дауларын шешу тәртібін көп сатылыдан екі кезеңге дейін жеңілдетеді. Тұтынушылардың дауларын шешудің сотқа дейінгі және соттан тыс процедуралары арасында да айырмашылық бар.