Павлодарлықтар «001» «007» нөмірлерін 1 млн теңгеге алып жатыр
Көлік сатылған жағдайда иесі нөмірді өз атына қалдыруға құқылы
Павлодар облысында «001», «007» нөмірлерін 1 миллион теңгеге сатып алуға болады. Жыл басынан бері өңірдегі автокөлік иелері «әдемі» нөмірлерге 223 миллион 717 теңге жұмсаған.
Бұл туралы «Азаматтарға арналған үкімет» мемлекеттік корпорациясы Павлодар облысы бойынша филиалының директоры Асылбек Сапарбекұлы мәлім етті.
Қазір автокөлік иесі үшін жүргізуші куәлігін ауыстыру қызметі де қолжетімді. Өтінішті қосымша арқылы беруге және бір сағат ішінде мамандандырылған ХҚКО-дан дайын жүргізуші куәлігін алуға болады. Автокөлікті сатып алу және ресімдеу кезінде әрбір азамат оған мемлекеттік тіркеу нөмірін алуға міндетті деп жазды Қазақпарат.