Елімізде азық-түліктің 6 түрі арзандады

Тамыз айының қорытындысы бойынша, әлеуметтік маңызы бар азық-түлік тауарларының орташа индексі 0,1% төмендеп, жыл басындағы дефляция деңгейін сақтап қалды, деп хабарлады Сауда және интеграция министрлігі.

Өңірлерде ауылшаруашылығы жәрмеңкелері басталды. Мұндай жәрмеңкелерде өңірлер күзгі-көктемгі маусымаралық және қысқы мезгілде бағаны тұрақтандыру және базарларға арзан бағада жеткізу үшін тұрақтандыру қорларына жаңа өнім сатып ала алады.

Барлық дерлік өңір көкөніс өндірушілермен күзгі маусымаралық кезеңде өнім жеткізуге келісімшарт жасасты. Оның басым бөлігі Ауыл шаруашылығы министрлігі ұсынынған көлемнен асып түсті. Нәтижесінде өңірлер 26,7 мың тонна пияз (187%), 25,3 мың тонна сәбіз (136%), 86,3 мың тонна картоп (111%), 21 мың тонна қырыққабат (109%) сатып алуға келісімшарт жасасты.

Вице-премьер Серік Жұманғарин тұрақтандыру қорларын көкөніс өнімдерімен қамту үшін келісімшарт жасасу жұмыстарын толық аяқтамаған Шымкент қаласының, Қызылорда, Ұлытау, Маңғыстау және Алматы облыстарының әкімдіктеріне жұмысты жеделдетіп, қысқа мерзім ішінде аяқтауды тапсырды.