Депутат Алматыдағы электромобиль шығаратын зауыттың құрылысымен танысты
Бұл – бизнес пен өндірісті дамыту қоры арасындағы ынтымақтастықтың табысты үлгісі
Мәжіліс депутаты, «Ақ жол» партиясы фракциясының жетекшісі Азат Перуашев Алматының индустриялық аймағына жұмыс сапары барысында Hyundai Trans Kazakhstan компаниясына барды.
Президент Қасым-Жомарт Тоқаев 2023 жылғы Жолдауында және биыл 7 ақпандағы Үкімет отырысында локализация мен жергілікті қамтуды арттыра отырып, ірі түйінді құрастырудан шағын түйінді өндіріске көшу міндетін алға қойған болатын.
Кездесу барысында Азат Перуашев зауыт басшылығымен мұндай кәсіпорындарды одан әрі қолдау бойынша қажетті шараларды және осы тәжірибені мұнай-газ, тау-кен металлургиясы, жол, құрылыс, энергетика сынды салаларда пайдалану мәселелерін талқылады.