Қонаев қаласының әкімі «жабайы сауда» жасап тұрғандармен кездесті
Сіздердің қамдарыңызды ойлап, проблемаға біржақты қарауға болмайды, - деді ол
Қонаев қаласында заңсыз саудамен күресудің жаңа тетігі қолданылады. Бұл туралы шаһардың белгіленбеген орындарында сауда жасайтындармен кездескен қала әкімі Асхат Бердіханов айтты.
Абай көшесінің бойында заңсыз сауда жасайтындар әкімнен күнкөріс көзінен айырмауды сұрады. Шаһар басшысы болса, әкімдіктің ұстанымын түсіндіріп, оларға бірнеше талап қойды.
Сонымен қатар ол тұрғындардан жиі шағым түсетінін атап өтті.
Әкім түйткілді шешу үшін «Айша сити» базарының алдына дүңгіршектер қойылатынын да жеткізді.
Кейін ол базар басшылығына жаңадан салынып жатқан нысанды бірыңғай дизайн-кодқа сәйкес етіп жасауды тапсырды.