Қазақтың қызы 18 жасында тұңғыш рет түйе үстінде жамбы атудан рекорд орнатты (ВИДЕО)
Ол 5 жасынан бастап ат құлағында ойнап өскен
2023 жылдың 4 қазанында «Топжарған» этно-мәдени орталығының ұйымдастыруымен жамбы ату сайысы өткен болатын. Сол жарыста Ғабит Таңатовтың шәкірті Аружан Миравилдаева Қазақстанда тұңғыш рет түйенің үстіне отырып, 100 метрді 12 секундта бағындырып, арақашықтығы 30 метр болатын 3 нысананы көздеп, жамбы атып, рекорд орнатты.
Қазір 19 жасқа толған Аружан Амангелдіқызы – Жамбыл облысы Меркі ауданының тумасы. Қазір Қазақ ұлттық педагогикалық қыздар университетінде «Дене шынықтыру және спорт» мамандығы бойынша білім алып жүр. Спортшы түйе үстінде отырып жамбы ату идеясы қалай келгенін айтты.
Тағы бір айта кетерлігі, Аружан Амангелдіқызы 2023 жылы «Үздік жамбы атушы» номинациясын жеңіп алған еді.
Оның айтуынша, рекордшы Аружан Миравилдаева 5 жасынан бастап ат құлағында ойнап өскен. Сондықтан желіп келе жатқан желмая үстінде отырып жамбы ату оған аса қиындық тудыра қоймапты.